U3F1ZWV6ZTkwOTE2MzI2Mjc1OTZfRnJlZTU3MzU3ODgwMjI1ODY=

ما الفرق بين التربو والسوبر تشارجر.....؟ تقرير 2020 TURBO&SUPERCHARGER

الفرق بين التربو والسوبر تشارجر

ما الفرق بين التربو والسوبر تشارجر.....؟ تقرير 2020 TURBO&SUPERCHARGER

فكرة عمل التربو والسوبر تشارجر واحدة، وهي زيادة كمية الهواء الداخل للماتور عن طريق توربينة (مروحة)  مع زيادة كمية الوقود الداخل، ودا بيعلي من معدل الأحتراق داخل الماتور، وبالتالي ينتج عن الماتور باخراج قوة وطاقه وعزم اكتر من المعتاد.

أولا:التربو.

علشان نتكلم عن التربو لازم أولا نفرق بين أنواع المواتير، وهي بأختصار3 أنواع وهذه التقسيمة من حيث كيفية دخول الهواء الي الماتووور.

1-Naturally Aspirated Engine

ودي المواتير العادية اللتي يدخل اليها الهواء من خلال الضغط الجوى العادي، وهذه المواتير معروفة لدي الناس باسم N/A.

2-Turbo Charged Engine

3-Super Charged Engine

التربو يحتوي علي 2 توربينة واحدة في كل طرف، وظفية الأولي انها تقوم بضخ الهواء تسمي مجازا ب (توربينة الضغط)، والثانية تقوم بتحريك التوربينة الأولي وتسمي مجازا ب (توربينة التشغيل)..كييييييييف؟؟!
أن توربينة التشغيل توجد في مخرج العادم (امام فرن الشكمان) ويقوم ضغط العادم بلفها وبالتالي تلف توربينة الضغط.

ما الفرق بين التربو والسوبر تشارجر.....؟ تقرير 2020 TURBO&SUPERCHARGER

التربو علشان يشتغل كويس لازم الهوا اللي داخل في السحب يكون دافي، إنما اللي بيحصل إن الهوا بيبقى سخن جدا ويمكن يوصل لحد 150 درجة مئوية بسبب حاجتين:
* ضغط الهواء بيرفع درجة حرارة الهواء.

* لما الموتور بيسخن العادم السخن بيسخن التربو جدا لدرجة إنه يوصل لدرجة الاحمرار، وطبعا الهوا هيسخن هوا كمان، والهوا لما يسخن بيبقى متمدد جدا ، بمعني كمية الأكسجين اللي هتحرق البنزين هتبقى قليلة، وكده يبقى التربو مالوش لازمة، لإن الهوا اللي داخل مافيهوش هوا !!!

طيب إيه الحل عشان نبرده؟؟؟

الحل في تركيب سربنتينة يدخل فيها هوا السحب ويبرد فيها قبل ما يدخل السلندر، السربنتينة دي بيسموها "مبادل حراري" أو Heat Exchanger وبيقولوا عليها في دنيا التربو Intercooler،

عشان كده تلاقي العربيات اللي فيها تربو بيكون فيه فتحة في الكبوت، عشان المبادل الحراري يبرد.
ما الفرق بين التربو والسوبر تشارجر.....؟ تقرير 2020 TURBO&SUPERCHARGER


طب الفتحات دي ممكن أي حد يعملها في العربية  حتى لو مجرد منظر مش بجد
طيب، إزاي أعرف إن الموتور ده فيه تربو بجد؟؟
الموتور التربو حتلاقيله صفارة مميزة بتزيد مع زيادة دوران الموتور... وغالبا حتلاقيها متأخرة سنه صغيرة عن الموتور... وده اللي بيسموه تأخير التربو أو Turbo Lag

لو انت حابب تركب تيربو عليك بالاتى:
التيربو عشان يركب لازم يكون المحرك مهيأ للتيربو، لانه اغلب محركات الستاندر لا تتحمل ضغط هواء التيربو ف بيكسر المحرك.

بالتالي اذا انت تعدل على المحرك و تحط تيربو اظن لازم تعدل على المحرك في الاول و على السلندر و على ضغط المحرك بعدين تركب تيربو.

ثانيا: السوبر تشارجر.



ما الفرق بين التربو والسوبر تشارجر.....؟ تقرير 2020 TURBO&SUPERCHARGER

اما عن السوبر تشارجر فهو نفس فكرة التربو ولكنه بيشتغل ميكانيكا مش ضغط هوا زي التربو، بمعني انه يوجد انواع بتكون متوصلة بسير علي الموتور،
 او ترس او تكون شغالة كهربا.

ما الفرق بين التربو والسوبر تشارجر.....؟ تقرير 2020 TURBO&SUPERCHARGER


ولكن أيهمها أفضل؟؟؟


التربو اكثر كفاءة لانه اكبر حجما لكنه أبطأ في الاستجابة و عرفنا السبب فوق، وعليه السوبرتشارجر اسرع لانه شغال ميكانيكا ،وعدد لفاته بيزيد مباشرة مع عدد لفات الموتور، لكنه اقل كفاءة من التربو لان حجم توربينته اصغر.


ويتبقي لنا نقطة اخيرة،
هي زيادة و بنزين زيادة هتحتاج كهربا اقوي عشان الاشتعال، وبالتالي هتلاقي مواتير التربو لها بوجيهات مخصوصة تطلع كمية كهربا اكتر و تتحمل درجات حرارة اعلي و افضلها حاليا LPG Laserline، كمان هتلاقي كل بوجيه علي موبينه لوحده عشان يضمن كم كهربا كافي للبوجيه، وعدم تسريب الكهربا عن طريق الاسلاك .
ما الفرق بين التربو والسوبر تشارجر.....؟ تقرير 2020 TURBO&SUPERCHARGER
لو وصلت الي هنا اكتب لنا بالتعليقات فاضل لل Jeep أيه علشان تطير.
تعليقات
تعليقان (2)
إرسال تعليق

إرسال تعليق

الاسمبريد إلكترونيرسالة